June-2021
ବାଲ୍ୟକାଳୁ ଧନ ଧର୍ମ ମୁଁ ଅର୍ଜିବି
ଏ ଜୀବନ ଅନିଶ୍ଚିତ,
କେଜାଣି କାହାର ଆଜି ମୃତ୍ୟୁକାଳ
ହୋଇଯିବ ଉପସ୍ଥିତ ।
ପ୍ରିୟ ସହଯୋଗୀ ବନ୍ଧୁ ,
ଆପଣଙ୍କ ସହଯୋଗରେ Care Foundation ତାର ମହତ୍ ଉଦ୍ଦେଶ୍ୟକୁ ସୂଚାରୁରୂପେ ସଂପାଦନ କରୁଛି । ଜୁନ ମାସ ଆମପାଇଁ ଅତି ଆହ୍ବାନ ପୂର୍ଣ୍ଣ ଥିଲା।କରୋନାର ଦ୍ବିତୀୟ ଲହର ସାରା ଦେଶକୁ ଦୋହଲାଇ ଦେଇଥିଲା। Care Foundation ର ପ୍ରତିଷ୍ଠାତା ଆମର ପ୍ରିୟ ରବିନାରାୟଣ ହୋତା ସାର୍ ମଧ୍ୟ କରୋନା ସମୁଖରେ ସଂଘର୍ଷ କରିଥିଲେ । ଆପଣମାନଙ୍କ ସାହାଯ୍ୟ,ଭଲପାଇବା ଏବଂ ଭଗବାନଙ୍କ ଆଶିଷ ତାଙ୍କୁ ନୁଆଁ ଜୀବନ ଦେଲା। ତେଣୁ ଜୁନ୍ ମାସରେ Care Foundation ର କାର୍ଯ୍ୟଧାରାରେ ବିଳମ୍ବ ଦୃଷ୍ଟିଗୋଚର ହୋଇଥିଲା। ଜୁନ୍ ମାସର ସହାୟତା ରାଶି ବଣ୍ଟନ ନିମନ୍ତେ 02.07.2021 ଦିନ Core Committee ର ପ୍ରଥମ ବୈଠକ ବସିଥିଲା। ପୂର୍ବରୁ ପୋଷ୍ୟ ରୁପେ ଗ୍ରହଣ କରାଯାଇଥିବା ତିନି ଜଣ ହିତାଧିକାରୀଙ୍କୁ 03.07.2021 ଦିନ ଦୁଇ ହଜାର ଲେଖାଏଁ ସହାୟତା ରାଶି ପ୍ରଦାନ କରିବା ପାଇଁ ସ୍ଥିର କରାଗଲା ଏବଂ 04.07.2021ର ଦ୍ବିତୀୟ ବୈଠକରେ ପୁଣି ଦୁଇ ଜଣ ହିତାଧିକାରୀଙ୍କୁ ଚିହ୍ନଟ କରି ସେଦିନ ଅପରାହ୍ନରେ ହିଁ ସହାୟତା ରାଶି ବଣ୍ଟନ ପାଇଁ ଧାର୍ଯ୍ୟ କରାଯାଇ ଥିଲା।ଏହିପରି ଭାବେ ଜୁନ୍ ମାସରେ ମୋଟ ପାଞ୍ଚ ଜଣ ହିତାଧିକାରୀଙ୍କୁ ସ୍ଥିର କରାଗଲା। ହିତାଧିକାରୀମାନେ ହେଲେ:-
1.ଯଶ୍ଵୀନ ଜେନା(7),2.ଲେଙା ଗୌଡ(38),3.ସନ୍ତୋଷ ସେଠୀ(46)4.ପ୍ରତିମା ସାହୁ (34),5.ନର୍ମଦା ସାହୁ(65)।
03.07.2021ଦିନ ଅପରାହ୍ନ 5:30 ବେଳେ Care Foundation ର ସଦସ୍ୟ ମାନେ ଏକାଠି ହୋଇଥିଲେ Binayak filling station ନିକଟରେ । ସେଠାରୁ ବାହାରି ସର୍ବପ୍ରଥମେ ଜିଲୁଣ୍ଡା ଗ୍ରାମର ଥାଲାସେମିଆ ରୋଗରେ ଆକ୍ରାନ୍ତ ବାଳିକା ଯଶସ୍ବିନୀ ଜେନା ଙ୍କୁ ଭେଟିଲେ । ବାଳିକା ଯଶସ୍ବିନୀ ଜେନା ଙ୍କୁ Care Foundation ପୋଷ୍ଯ ରୁପେ ଗ୍ରହଣ କରଛି । ତେଣୁ ଚିକିତ୍ସା ପାଇଁ ଦୁଇ ହଜାର (2000) ଟଙ୍କା ର ସହାୟତା ରାଶି ସହ ଏକ ମିଷ୍ଟାନ୍ନ ପ୍ୟାକେଟ ଓ ଏକ ରାସନ ପ୍ୟାକେଟ ପ୍ରଦାନ କରାଗଲା । ଏହି ଅବସରରେ ଯେତେବେଳେ ବାଳିକାକୁ ଏକ ମିଷ୍ଟାନ୍ନ ପ୍ୟାକେଟ ଦିଆଗଲା, ତା ମନର ଖୁସି ମୁହଁରୁ ଫୁଟି ଉଠୁଥିଲା । ପ୍ରକାଶ ଥାଉକି Care Foundation ର ଜଣେ ସଦସ୍ୟ ଶ୍ରୀ ବେଦପ୍ରକାଶ ଗୁପ୍ତା ସ୍ଵେଛାପୂର୍ବକ ଏପ୍ରିଲ ମାସଠାରୁ ହିତାଧିକାରୀଙ୍କୁ ଏକ ମିଷ୍ଟାନ୍ନ ପ୍ୟାକେଟ ଦେବାପାଇଁ ଏବଂ କୋଭିଡ୍ ଲକଡାଉନ ସମୟରେ ହିତାଧିକାରୀଙ୍କୁ ଏକ ରାସନ ପ୍ୟାକେଟ ଦେବାପାଇଁ ଘୋଷଣା କରିଛନ୍ତି । ବାସ୍ତବରେ Care Foundation ଶ୍ରୀ ଗୁପ୍ତା ଙ୍କର ପଦକ୍ଷେପ କୁ ସ୍ଵାଗତ କରୁଛି ।
ଦ୍ବିତୀୟରେ ସଦସ୍ୟ ମାନେ ପହଞ୍ଚି ଥିଲେ ପୋଲସରା ଭଗବତ ପାଟଣା ସାହିର ପକ୍ଷାଘାତ ରୋଗରେ ଆକ୍ରାନ୍ତ ଲେଙ୍କା ଗୌଡ ଙ୍କ ନିକଟରେ । ଆଗରୁ ସେ ଜଣେ ଦିନ ମଜୁରିଆ ରୁପେ କାମ କରି ଆସୁଥିଲେ । ତେଣୁ ତାଙ୍କର ଚିକିତ୍ସା ବାବଦକୁ ଦୁଇ ହଜାର (2000) ଟଙ୍କାର ସହାୟତା ରାଶି ସହିତ ଏକ ମିଷ୍ଟାନ୍ନ ପ୍ୟାକେଟ ଓ ଏକ ରାସନ ପ୍ୟାକେଟ ପ୍ରଦାନ କରାଗଲା।
ତ୍ରୁତୀୟରେ ସଦସ୍ୟ ମାନେ ପହଞ୍ଚି ଥିଲେ ପୋଲସରା ମିଲ୍ ସାହି ବାସିନ୍ଦା,ପକ୍ଷାଘାତ ରୋଗରେ ଆକ୍ରାନ୍ତ ସନ୍ତୋଷ ସେଠୀ ଙ୍କ ଘରେ । ତାଙ୍କ ସ୍ତ୍ରୀ ଅନ୍ୟ ଲୋକଙ୍କ ଘରେ ବାସନ ସଫା କରି ପରିବାର ଚଳାଇ ମିଲ୍ ସାହିରେ ଭଡାଘର ନେଇ ରହୁଥିଲେ ।କିନ୍ତୁ କରୋନା କାଳରେ କାମଧନ୍ଦା ନ ମିଳିବାରୁ ଶେଷରେ ସେମାନେ ନିଜ ଗାଁ କୁ ଚାଲିଯାଇ ଥିଲେ । ତେଣୁ Care Foundation ର ସଦସ୍ୟମାନେ ତାଙ୍କୁ ଭେଟି ପାରିନଥିଲେ । କିନ୍ତୁ ଫୋନରେ ଯୋଗାଯୋଗ କରି ତାଙ୍କର ଜଣେ ଅନ୍ତରଙ୍ଗ ବନ୍ଧୁଙ୍କ ମାଧ୍ୟମରେ ଦୁଇ ହଜାର(2000) ଟଙ୍କାର ସହାୟତା ଓ ଏକ ରାସନ ପ୍ୟାକେଟ ତାଙ୍କ ନିକଟରେ ପହଞ୍ଚାଗଲା । ପ୍ରଥମ ଦିନର ସହାୟତା ରାଶି ବଣ୍ଟନ କାର୍ଯ ଏଇଠି ଶେଷ ହୋଇଥିଲା ।
ପୁଣି 04.07.2021 ଦିନ ସଦସ୍ୟମାନେ ଅପରାହ୍ନ 4:30 ବେଳେ ଏକାଠି ହୋଇଥିଲେ ରାଣୀପଡା ଛକ ନିକଟରେ । ସେଠାରୁ ବାହାରି କଳମ୍ବ ଗ୍ରାମରେ ପହଞ୍ଚି ପ୍ରତିମା ସାହୁ ଙ୍କୁ ଭେଟିଥିଲେ । ପ୍ରତିମାଙ୍କ ସ୍ବାମୀ କୁମାର ଚାନ୍ଦ ସାହୁ କରୋନା ଆକ୍ରାନ୍ତ ହୋଇ ପ୍ରାଣ ହରାଇ ଥିଲେ । ତାଙ୍କ ମୃତ୍ୟୁ ପରେ ଘରର ଆର୍ଥିକ ସ୍ଥିତି ଭୁଷୁଡ଼ି ଯାଇଛି । ତେଣୁ Care Foundation ତରଫରୁ ନଅ ହଜାର (9000) ଟଙ୍କା ର ସହାୟତା ରାଶି, ଏକ ମିଷ୍ଟାନ୍ନ ପ୍ୟାକେଟ ଓ ଏକ ରାସନ ପ୍ୟାକେଟ ପ୍ରଦାନ କରାଗଲା।
ପଞ୍ଚମ ହିତାଧିକାରୀ ଥିଲେ କନିଆରୀ ଗ୍ରାମର ଶ୍ରୀମତୀ ନର୍ମଦା ସାହୁ। ସେ ଯକୃତ କର୍କଟ ରୋଗରେ ଆକ୍ରାନ୍ତ ହୋଇ ମୁମ୍ବାଇ ସ୍ଥିତ Tata memorial cancer hospital ରେ ଚିକିତ୍ସିତ ହେଉଛନ୍ତି। Care Foundation ର ସଦସ୍ଯ ମାନେ ତାଙ୍କ ଘର ଲୋକଙ୍କୁ ଭେଟି ଦଶ ହଜାର (10,000) ଟଙ୍କାର ସହାୟତା ରାଶି ସହ ଏକ ମିଷ୍ଟାନ୍ନ ପ୍ୟାକେଟ ଓ ଏକ ରାସନ ପ୍ୟାକେଟ ପ୍ରଦାନ କଲେ ।
ଜୁନ୍ ମାସରେ ମୋଟ ସହାୟତା ରାଶି ଥିଲା Rs 25,000। ହିତାଧିକାରୀଙ୍କୁ ନିମ୍ନ ପ୍ରକାରେ ସହାୟତା ରାଶି ପ୍ରଦାନ କରାଯାଇଛି।
1.ଯଶ୍ଵୀନ ଜେନା- Rs 2000
2.ଲେଙା ଗୋଡ- Rs 2000
3.ସନ୍ତୋଷ ସେଠୀ- Rs 2000
4.ପ୍ରତିମା ସାହୁ- Rs 9000
5.ନର୍ମଦା ସାହୁ- Rs 10,000
ସମସ୍ତ ସଦସ୍ୟଙ୍କ ସହଯୋଗ ଯୋଗୁଁ Care Foundation ତା'ର ଲକ୍ଷ୍ୟ ପଥରେ ଅଗ୍ରସର ହେଉଛି ଏବଂ ଆମ ସମାଜ ପାଇଁ ଏକ ଉଦାହରଣ ପାଲଟିଛି। ସଦସ୍ୟ ବନ୍ଧୁମାନଙ୍କୁ ଅଶେଷ ଧନ୍ୟବାଦ ।
ଜୟ ଜଗନ୍ନାଥ
GALLERY
Comments
Post a Comment